Татарча
Surah Al-Qari'ah ( The Striking Hour ) - Aya count 11
ٱلْقَارِعَةُ ١
Катылыгы вә куркынычы белән җирне вә күкләрне кагучы кыямәт көне!
مَا ٱلْقَارِعَةُ ٢
Никадәр каты куркынычлыдыр ул кыямәт көне!
وَمَآ أَدْرَىٰكَ مَا ٱلْقَارِعَةُ ٣
Ул кыямәт көненең катылыгы вә куркынычы ни дәрәҗәдә икәнлеген сиңа кем белдерде?
يَوْمَ يَكُونُ ٱلنَّاسُ كَٱلْفَرَاشِ ٱلْمَبْثُوثِ ٤
Ул көндә кешеләр каты куркуларыннан тузылган чикерткәләр кеби тузылып таралып китәләр, һәм бер берсен күрмәсләр.
وَتَكُونُ ٱلْجِبَالُ كَٱلْعِهْنِ ٱلْمَنفُوشِ ٥
Вә таулар буялган вә тетелгән йон кеби булырлар.
فَأَمَّا مَن ثَقُلَتْ مَوَٰزِينُهُۥ ٦
Берәүнең ягъни мөселманның үлчәүдә гөнаһына караганда сәвабы авырырак күберәк булса.
فَهُوَ فِى عِيشَةٍۢ رَّاضِيَةٍۢ ٧
Ул мөселман җәннәттә үзе разый булган рәхәт тормыштадыр.
وَأَمَّا مَنْ خَفَّتْ مَوَٰزِينُهُۥ ٨
Вә бер мөселманның үлчәүдә сәвабына караганда гөнаһы авыр килсә ягъни яхшылыгына караганда яманлыгы күбрәк булса.
فَأُمُّهُۥ هَاوِيَةٌۭ ٩
Аның анасы – мәрхәмәтсез булган Һавийә исемле җәһәннәм аңа урын булыр.
وَمَآ أَدْرَىٰكَ مَا هِيَهْ ١٠
Ул һавийәнең нәрсә икәнен сиңа нәрсә белдерде?
نَارٌ حَامِيَةٌۢ ١١
Ул һавийә кыздырылган утдыр.