Sindhi
سورة الماعون - عدد الآيات 7
أَرَءَيْتَ ٱلَّذِى يُكَذِّبُ بِٱلدِّينِ ١
(اي پيغمبر) انھي کي ڏٺيءِ ڇا جيڪو عملن جي بدلي ملڻ کي ڪوڙ ڀانئيندو آھي.
فَذَٰلِكَ ٱلَّذِى يَدُعُّ ٱلْيَتِيمَ ٢
پوءِ اُھو آھي جو ڇوري ٻار کي ڌِڪيندو آھي.
وَلَا يَحُضُّ عَلَىٰ طَعَامِ ٱلْمِسْكِينِ ٣
۽ (ڪنھن کي) مسڪين جي کارائڻ تي رغبت نه ڏياريندو آھي.
فَوَيْلٌۭ لِّلْمُصَلِّينَ ٤
پوءِ انھن نمازين لاءِ وَيل آھي.
ٱلَّذِينَ هُمْ عَن صَلَاتِهِمْ سَاهُونَ ٥
جي پنھنجين نمازن کان ويسلا رھندا آھن.
ٱلَّذِينَ هُمْ يُرَآءُونَ ٦
اُھي جيڪي رياءُ ڪندا آھن.
وَيَمْنَعُونَ ٱلْمَاعُونَ ٧
۽ اُڌاريون شيون جھليندا آھن.